सङ्गक्षिप्त परिचय
खोटाङ्ग जिल्ला नेपालको सात वटा प्रदेश मध्ये प्रदेश नं. १ अन्तर्गत सगरमाथा अञ्चलमा पर्ने पहाडी जिल्ला हो । यस जिल्लामा करिव ५२.५४ प्रतिशत वनक्षेत्र रहेको छ । खोटाङ जिल्ला समुन्द्र सतहबाट करीव १५२ मिटर देखि ३,६२० मिटरसम्मको उचाइमा रहेका कारण वनको किसिममा पनि भिन्नता रहेको पाईन्छ । यस जिल्लामा खयर सिसौ लगायतका प्रजातीहरु देखी गोब्रे सल्ला, ठिंगुरे सल्ला,लौठ सल्ला, अमेरिकन सल्ला, खोटेसल्ला , चिलाउने, कटुस, साज, कर्मा लगायतका प्रजातीहरु पाईन्छ । जिल्लाको मुख्य वनलाइ यसरी उपोष्ण सदाबहार वन (Tropical Forest), मौसमी पतझर वन (Sub Tropical Broad Leaved Forest) र समशितोष्ण कोणधारी वन (Upper Temperate Mixed Deciduous & Coniferous Forest) गरी तिन प्रकारमा विभाजन गर्न सकिन्छ । खोटाङ्ग जिल्लाको कुल क्षेत्रफल १,५४,०२० हे. मध्य वनको कुल क्षेत्रफल ८०,९२९ हे. रहेको छ जसमा सामुदायिक वनको क्षेत्रफल ४८६८५.५ हे., कवुलियती वनको क्षेत्रफल ८८४.६५ हे. र बाँकी राष्ट्रिय वनको क्षेत्रफल ३१३८५.८५ हे. रहेको छ ।